ಹಳ್ಳಿ ಜನ..........

          ಐಶ್ವರ್ಯ ಕಂಡವರಲ್ಲ

          ಆಡಂಬರ ನಡೆಸಿದವರಲ್ಲ;

          ಕಾಯಕ ಬಿಟ್ಟವರಲ್ಲ

          ಕಾಲ ಹರಟೆ ಮಾಡಿದವರಲ್ಲ;

          ಕಷ್ಟಕ್ಕ ಹೆದರೋರಲ್ಲ

          ಸುಖಃಕ್ಕ ಮೆರೆದೋರಲ್ಲ;

          ಒಳಗುಟ್ಟು ಬಿಟ್ಟೋರಲ್ಲ

          ಒಗ್ಗಟ್ಟು ಮುರಿದೋರಲ್ಲ;

          ಆತಂಕದ ದಿನಗಳಲೂ

          ಆಶಾ ಭಾವನೆ ತೊರೆದಿಲ್ಲ;

          ಇವರಿಲ್ಲದಿದ್ದರೆ ನಮಗೆ

          ಬೆಲೆಯೇ ಇಲ್ಲ;

                   ವೀರಕವಿ........

ವರ್ಷದಾಟ!!

ವರ್ಷದಾಟ!!

          ಈ ಕೆಳಗಿನ ಸಾಲುಗಳನ್ನ, ಕೆಲ ದಿನಗಳ ಹಿಂದೆ ಬೆಂಗಳೂರಲ್ಲಿ ಮಳೆ

          ಬಂದು ಆದ ಅನಾಹುತ ಕಂಡು, ಕೇಳಿದಾಗ ಬರೆದದ್ದು..........

          ಮಳೆ ಬಂದೈತೆ

          ನೆಲ ತೋಯ್ದೈತೆ;

          ಚಿಣ್ಣರೆಲ್ಲ ನಲಿದಾರೆ

          ಹಿರಿಯರೆಲ್ಲ ಶಪಿಸ್ಯಾರೆ;

          ಉಪ್ಪರಿಗೆಯೋರಿಗೆ ನಲಿದಾಟ

          ತ್ಯಾಪಿಯೋರಿಗೆ ನರಳಾಟ;

          ಮಣ್ಣ ಮಕ್ಕಳಿಗೆ ಸುಗ್ಗಿಕಾಲ

          ಕಡಲ ಹೈಕಳಿಗೆ ಬರಗಾಲ;

          ಆಕಾಶದಾಗ "ಮಳೆ,ಬಿಲ್ಲ" ಚಿತ್ತಾರ

          ಭೂಮ್ಯಾಗಿನ ಗಿಡ ಮರಗಳೆಲ್ಲಾ ಬಂಗಾರ;

          ಬರುತಿರಲಿ ಇಂತೇ ವರುಷಧಾರೆ

          ತರುತಿರಲಿ ಎಂದೆಂದೂ ಹರುಷದಾ ನೊರೆ;

                   ವೀರಕವಿ........